Chapter 81
Stephen: “Ano pare, sabay ka na sa amin?”
“Ha? Ikaw Alex?”
Alex: “Punta pa ko library eh..”
“O sige.. Ingat ha..”
Sumakay na ko sa kotse ni Stephen. Dun ako pumwesto sa likod. On the way..
Matt: “Pare, ang ganda naman nung kasama mo.. Alex yung name niya right? gf mo ba yun?”
“Ha? Hin-hinde.. Parang tropa-tropa ko yun eh..”
Nagulat ako lumingon pa talaga siya sa akin sa likod.
Matt: “Talaga?!”
“Ba-Bakit?”
Humarap uli siya sa harap.
Matt: “Wala naman..”
Stephen: “Ano yang ngiting yan ah..”
Matt: “Ha?”
Stephen: “Wag mong sabihing..”
Matt: “Why? She’s hot..”
“Sino pang pinag-uusapan natin?”
Sabay pa silang dalawa.
Matt: “Si Alex..”
Stephen: “Si Alex..”
Matt: “May phone number ka ba nun?”
Stephen: “Wala.. Baka yan si Toph..”
Bumilis yung paghinga ko. Bakit ganun? Tinatanong lang naman sa akin yung number ni Alex eh.
“Naku.. Tanong mo na lang sa kanya mismo..”
Matt: “Sige na..”
“Papatayin ako nun eh..”
Matt: “Sa bagay.. At least may dahilan ako para lapitan siya..”
“Sige.. Dito na ako bababa..”
Pauwi sa amin, sumakay ako ng jeep.
Driver: “Psst.. Di ka ba bababa..”
Paglingon ko.. patay.. ako na lang pala yung nasa loob ng jeep. Wala ata ako sa sarili.
Pagdating ko sa bahay, humiga ako at natulog lang sa kama. Parang ang bigat ng pakiramdam ko.
Kinabukasan. Mga 4 pm na nun. Uwian na. Palabas ako ng Palma Hall. Nung pababa na ako..
“Pare..”
Paglingon ko nakita ko si Matt nakaupo sa may stairs.
“Uy.. Ano ginagawa mo dito..”
Matt: “Hinihintay ko si Stephen..”
“Aah..”
Maya-maya nakita ko pababa si Alex.
“Alex..”
Lumapit kaming dalawa sa kanya. Nagulat naman ako nung sumunod din si Matt.
Matt: “Hi.. Ang dami mong dala ah.. Tulungan na kita..”
Alex: “Ha? Naku.. Wag na..”
Kahit umayaw si Alex, nakuha naman na ni Matt yung mga dala-dala ni Alex.
“Pauwi ka na ba?”
Alex: “May dadaanan pa sana ako sa Faculty Center.. Kunin ko yung classcards ko last sem..”
Matt: “Ganun ba? Samahan na kita..”
Alex: “Uh..”
Matt: “I mean.. Kung okay lang sayo..”
Alex: “Sige.. Kaw bahala..”
“Uhmm.. Mauna na ako..”
Matt: “Sige.. Pare.. Samahan ko lang siya..”
Sabay silang naglakad papuntang sa kaliwa. Ako naman sa kanan. Habang naglalakad, di ko alam, pero napalingon ako sa kanilang dalawa. Naglalakad sila, tapos nakita ko si Alex tumingin kay Matt saka ngumiti.
Bat ganun? Parang sumikip yung dibdib ko nun..
Pagdating ko sa bahay, may kausap sa phone si Marielle.
“Telebabad ka na naman..”
Paakyat ako sa hagdan nun eh..
Marielle: “Friend.. Selos ka lang no.. Minsan ganun di ba.. When you have something.. Mas naaprieciate mo yun kapag alam mong may kaagaw ka na.. may threat kumbaga..”
Pinagpatuloy ko ang pag-akyat papunta sa kwarto ko. Humarap ako sa salamin. Tapos napako yung tingin ko sa picture..
yung picture namin ni Alex nung kasal..
Kinuha ko yung picture at umupo sa kama ko. Dahan-dahan kong hinawakan yung picture.. yung mukha ni Alex.
Napangiti ako.
Tapos..
Bigla kong narealize yung ginagawa ko. Teka..
Naramdaman ko na lang bumilis yung tibok ng puso ko..
“May nararamdaman na ata ako para sa kanya..”
##############################
Chapter 82:
November 22
Miyerkules. Meeting namin ulet ng P.E. Pagdating namin dun, nag-instruct yung teacher namin. Magsisimula na kami ng mag-wallclimbing isa-isa. Para hindi magulo, alphabetical na lang. Saka kaming mga lalaki muna ang pinauna. Yung ibang nag-wo-wallclimbing na dati pa. Ang bilis! Ilang minutes lang tapos na. Ako nakapag-wallclimbing naman na ng mga 2 beses. Kaya nung ako na, medyo okay naman ang pag-akyat ko. Iba lang yung wall kasi madulas yung ibang mga bato kaya di ako makakapit ng mabuti.
Pagbaba ko, inalis yung ko yung gear ko. Paglingon ko, sa di kalayuan nandun si Alex. Napangiti ako.
Nilapitan ko siya at tinabihan sa pagkakaupo.
“Uy.. Mustah..”
Alex: “Uh.. Okay lang..”
Tahimik lang kaming dalawa. Ewan ko ba. Di ko alam kung anong sasabihin ko sa kanya eh.
Nakatingala lang siyang pinapanood yung nagwowallclimbing. Pasimple ko siyang tinitignan.
Huminga ako ng malalim.
“Hmm.. Alex?”
Lumingon siya sa akin tapos ngumiti.
Alex: “Toph?”
“Ah.. Sorry…”
Medyo natulala ata ako ah.
“Kasi ano..”
Tapos nakita ko yung dalawa namin kaklase naglalaro.
“Uh.. Thumb wrestling tayo?”
Sige. Nice one. Haay.
Nagsalubong yung kilay ni Alex.
Alex: “Huh?”
“Masaya yun..”
Tapos kinuha ko yung kamay niya tapos pinagdikit namin yung thumbs namin.
“Game?”
Alex: “Sige ba..”
“1.. 2.. 3..”
Naglaro kami. Tawa kami ng tawa. Nanalo naman ako.
Alex: “Ang daya! Isang beses ulit..”
“Hinde.. Panalo talaga ako..”
Maya-maya dumating yung isang kaklase namin si Celine. Tumingin ako sa relo ko.
“Uy.. Late ka na ah..”
Celine: “Oo nga eh.. Uy.. May nagpapabigay sayo.. Tinanong ako kung kaklase kita eh..”
Nagulat ako inabot niya yung bouquet ng flowers kay Alex. Akala ko nung una sa kanya talaga yun.
Alex: “Huh? Sino?”
Celine: “Di ko kilala.. May card o..”
Binuksan ni Alex yung card na naka-attach.
Alex: “You had me.. the moment I laid my eyes on you…”
Tinignan ko si Alex. Ngiting-ngiti siya habang binabasa yung card.
“Uy.. Kaninong galing? May suitor na siya.. Yihee..”
Alex: “Kay Matt..”
“Aah..Patingin nga.”
Hiniram ko yung bulaklak.
Alex: “Okay ka lang? Bat ineexamine mo?”
“Ha?
Tapos nilapit ko at inamoy ko yung bulaklak. Napaubo ako.
*COUGH*
Alex: “Uy.. Toph?! Ano nangyari sayo..”
Inabot ko uli yung bulaklak sa kanya.
“Wala.. I’m okay.. Wala namang amoy..”
Alex: “Oo nga..”
“Dapat yung scented..”
Alex: “Edi bigyan mo yung liligawan mo ng scented..”
Natahimik ako. Maya-maya tinawag na si Alex para magwallclimbing. Tumayo din ako para sa malapitan ko siya mapanood.
Alex: “On Belay..”
Instructor: “Belay on..”
Alex: “Climbing sir..”
Nung nag-go signal na yung instructor. Nagsimula na umakyat si Alex. Mukhang medyo hirap siya. Pero nakabot naman na siya hanggang gitna.
Alex: “Tension!”
Napansin ko parang medyo maluwag yung gear niya. Nung nasa bandang taas na siya, malapit na sana niyang maabot yung tuktok nang..
“Alex!!”
Dali-dali akong tumakbo para saluhin siya. Pagkasalo ko sa kanya, sabay kaming nagbounce sa may ground. Pero may pad naman na sasalo pag nahulog ang isang climber. Dun kami nahulog.
Nakapikit ako nun. Pagkabukas ko ng mga mata ko. Magka-akap pala kami ni Alex.
“Alex?”
Binuksan ni Alex yung mata niya. Rinig ko yung bilis ng paghinga niya. Nung nakita niya yung posisyon namin. Tumayo siya agad.
“Uh.. Uhmm.. Thanks..”
Ngumiti lang ako. Mga ilang minuto pagkatapos dinismiss na rin kami. Pumunta akong C.R. at nagbihis ng pamalit.
Paglabas ko, naku po! Umaambon. Hinalungkat ko sa backpack ko yung payong ko. Dali-dali akong naglakad sa ilalim ng ulan. Pagdating ko dun sa may sakayan..
“Alex? Naku.. Baka maulanan ka na..”
Alex: “Ha.. Ambon lang naman..”
Dali-dali ko siyang pinayungan.
“Patay.. Walang jeep ah..”
Alex: “Oo nga eh.. Umuulan pa naman..”
Maya-maya bumuhos na yung malakas na ulan. Napansin ko nababasa pa rin siya. Nilapit ko siya sa akin.
“Naku.. Baka mabasa niyan..”
Alex: “Okay lang ako.. Basa lang naman..”
“Ano ka ba.. Wag ganyan….
Ayokong magkasakit ka..”
#####################################3
Chapter 83:
November 29
Maaga akong nagpuntang power-up. Umupo lang ako dun habang hinihintay yung iba. Maya-maya dumating si Alex. Bigla na lang akong napatayo. Para akong tanga.
“Hi.. Alex..”
Ngumiti lang siya. Tapos umupo sa tabi. Tinabihan ko siya.
“Okay ka lang? Parang namumutla ka ha..”
Alex: “Pagod lang..”
“Aaah.. Musta na? Kwento ka.. Mukhang dumidiskarte yung insan ni Stephen sayo ah..”
Alex: “Ha? Si Matt? Ewan..”
“Kinukuha niya dati yung number mo eh.. Kaso sabi ko sayo na lang niya kunin..”
Alex: “Aah.. Oo nga.. Nung dati tinanong niya sa akin yung number ko..”
“Binigay mo?”
Alex: “Nung una hinde eh.. Pero nung isang beses ulit.. Binigay ko naman na..”
“Okay ba siya?”
Alex: “Mukha namang okay.. Nakikipagkaibigan pa lang naman.. Teka, ano to interview?”
“Uy.. Hinde naman..”
Tumawa si Alex.
Alex: “Mabait naman siya.. Isang beses dumaan siyang bahay eh.. Di ko alam kung pano niya nalaman address ko..”
“Ano?!”
Alex: “O bat nagulat ka?”
“Uh.. Hinde.. Uhmm.. Ikaw.. Gus..Gusto mo ba siya?”
Parang natahimik saglit si Alex.
Alex: “Uy.. Ayan na pala si sir o.. Tara na..”
Parang medyo matagal ding nabitin yung paghinga ko. Hinihintay ko kasi yung isasagot niya.
Ngayon naman, inuna muna yung mga girls. Isa-isa silang umakyat uli. Ngayon, medyo mas mabilis na sila, kumpara dati. Kasi bale, third time na climb na namin to kasi last time, dalawang beses kami umakyat.
Instructor: “Santillan..”
Pumunta si Alex sa harapan. Kinabit na yung gear niya tapos umakyat na siya. Nakaabot na siya sa tuktok agad tapos bumaba na. Nung tinatanggal na yung gear niya, bigla siyang napahawak sa ulo niya.
Tapos, napapikit siya. Bigla na lang siyang..
nahimatay. Dali-dali kaming tumakbo para tignan siya.
“Alex?!!”
Alex: “Hin..de… A-ko… maka..hi…ngaaaa… Ga.. mot.. sa.. baaag…”
Ang bilis ng paghinga niya. Nung nakita ko siya, di ako mapakali.
“Ba.. Bag?! San?”
Lumingon-lingon ako sa paligid. Hinanap ko yung bag niya. Hinalungkat ko. Nanginging na nga ako eh. Ngayon lang ata ako kinabahan nang ganito. Maya-maya may nakapa ako. Paglabas ko..
“Ventolin.. Sana eto na..”
Dali-dali akong bumalik at iniabot dun sa medic. Medyo nahimasmasan naman siya ng konti.
“Dalhin na natin sir sa clinic..”
Nag-volunteer yung kaklase ko na gamitin yung kotse niya. Nagmamadali kaming pumunta sa clinic.
Naiwan kaming tatlo nung mga kaklase ko sa labas.
Celine: “Maupo ka nga.. Nahihilo ako sa yo.. Tatayo ka.. Uupo.. Lalakad.. Ano ba?!”
Maya-maya lumabas yung nurse.
Nurse: “Okay naman na siya.. Inatake lang ng asthma.. Stressed siguro..”
Celine: “Pwede po kaming pumasok sa loob?”
Nurse: “Pwede.. Kaso tulog naman na siya.. Siguro.. mamaya gigising na din siya..”
Pumasok kami ni Leinard saka Celine sa loob.
Celine: “Tulog na nga siya.. Uhmm.. Bili kaya tayo ng food niya para paggising niya may makain siya..”
Leinard: “Tara.. Toph? sama ka?”
Celine: “Maiwan ka na lang para may magbantay sa kanya..”
“Sige.. Dito na lang ako..”
Lumabas silang dalawa at naiwan ako sa loob nung kwarto. Tinignan ko siya. Umupo ako dun sa may upuan sa tabi ng kama.
Huminga ako ng malalim. Napatingin ako dun sa crucifix.
“Salamat po.. Diyos ko…”
Tinignan ko si Alex. Hinawakan ko yung kamay niya. Bumulong ako.
“Sa susunod wag ganun ah..
pinag-alala mo ko.. sobra..” 
######################################
Chapter 84:
Napansin ko na lang na gumalaw siya. Kinabahan ako. Inalis ko agad yung pagkakahawak ko sa mga kamay niya. Maya-maya dumating na rin sina Leinard.
Nagvibrate yung phone ko bigla. Pagbukas ko, may text si Papa. Tsk. Tsk. Mapapauwi ako nito ng di-oras ah.
“Uy.. Kailangan ko na umuwi.. Kayo na bahala sa kanya ah..”
Leinard: “Oo ba..”
Binuksan ko yung pinto at lumabas. Bago isara, tinignan ko ulit siya.
November 30 Thursday
Palabas ako ng first class ko nung nakasalubong ko si Alex pababa ng hagdan. Napangiti ako.
“Alex!”
Napatingin siya sa akin.
Alex: Uy..
“O ano.. Okay ka na?”
Alex: Oo.. Okay naman na.. Minsan kasi.. inaatake talaga ako.. Sige.. mauna na ako.. may klase pa ako..
“Sige.. Uh.. Alex?”
Lumingon siya.
“Dala mo ba yung gamot mo? Kasi ano.. baka..”
Nagsalubong yung kilay ni Alex.
Alex: Uh.. Oo.. Bakit?
“Ah.. Naitanong ko lang.. Sige.. ingat ka ha..”
Ngumiti lang si Alex tapos dumirecho na.
December 5 Tuesday
Lunch Time. Mag-isa akong nasa canteen. Nagbabasa lang habang kumakain. Maya-maya may naglapag ng libro sa table.
“Huy!!”
Nagulat naman ako. Si Stephen pala.
Stephen: Gutom na ako..
“Bumili ka..”
Pumila si Stephen at bumili ng pagkain. Maya-maya nilapag niya sa table yung pagkain niya. Ako naman, nagbabasa pa rin. Tapos pakain-kain ng kaunti nung spaghetti na binili ko.
Stephen: Uy.. Alam mo ba.. Nanliligaw na si..
Kasalukuyan akong sumusubo ng spaghetti nang..
Stephen: Matt kay Alex..
*Cough*
Nabailaukan ata ako ah. Bad trip. Kinuha ko agad yung iced tea ko at uminom agad.
Stephen: Tol? Okay ka lang??
“O-okay lang.. Ano sabi mo?”
Stephen: Sabi ko si Matt, nanliligaw na kay Alex.. Nung Saturday ata nagtanong..
“Pu-pumayag ba siya..”
Stephen: Siguro..
Sarap na sarap kumain si Stephen.
“Pare.. Yang si Matt. Okay naman ba? Mabait? Di naman chickboy o ano?”
Stephen: Ha? Okay lang.. Paki ko sa lovelife niya?
Kinuha niya yung baso ng tubig niya at biglang tumingin sa akin. Pag lapag niya nung baso..
Stephen: Teee.. kaaa.. Bat mo naitanong??
“Ha? Wa-wala..”
Stephen: May gusto ka ba..
“Kay? Alex? Uy.. Nagtatanong lang naman..”
Ngumiti si Stephen.
Stephen:Tsk.. Tsk.. Defensive.. Wala pa nga ako sinasabi.. Kailan pa yan..
Natahimik ako.
Stephen: “Magsabi na.. Dali.. Kailan pa?”
“Ewan ko. Siguro nung kasal… Basta..”
Stephen: Ano yun biglaan? Pare, minsan may nararamdaman na tayo sa tao.. Kaso minsan di pa natin maamin.. Alam na ba niya.
Tahimik lang ako.
Stephen: Malamang hinde.. Kaw pa..
“Sobra ka..”
Stephen: Oo.. Iuntog ko kaya yung ulo mo sa pader.. Isa kang napakalaking TORPE..
“Sinong torpe? Di ah..”
Stephen: Oo no.. Torpe.. Tsk.. Tsk.. Mula ngayon ang tawag ko na sayo..
Ngumiti siya.
Stephen: Torps..
“Sus.. Ano na naman yang pakulo mo?”
Maya-maya may tumugtog.
Pasko na naman o kay tulin ng araw. Paskong nagdaan tila ba kung kailanman..
“Ang bilis naman ng panahon.. Magpapasko na naman.. Next week eh, halos magchristmas break na..”
Stephen: Oo nga.. Uy.. Bilis bilisan mo naman.. Bago mahuli ang lahat..
“Oo.. Siguro.. Sasabihin ko sa kanya.. Pero dahan-dahan naman..”
Stephen: Oo naman.. Sa huli, magsisisi ka.. saka ang pinaka-pinaka di mo dapat kalimutan..
Regalo ko ah.. christmas na eh.. pinapaalala ko lang.. kuripot ka pa naman..”
Chapter 85:
December 15
Last day ng classes namin. Christmas Break na. Akalain mo. Ngayon din gaganapin ang oblation run saka lantern parade.
Maaga ako nagising, direcho banyo, ligo, bihis, saka bumaba para magbreakfast. Sabay kaming nagbreakfast ni utol. Wala parents namin eh.
Marielle: “Kuya, punta ko sa inyo mamaya ah.. Di ba nood tayo lantern parade..”
“Sige, mga before lunch? Isa lang naman class ko eh.. Sa umaga.. Tapos punta na tayo SM North, dun muna tayo.. Balik na lang tayo ng mga hapon..”
Marielle: “Uh.. Pwede ako manood ng Uh.. Ano.. kasi yung mga friends ko..”
“Tsk.. Tsk.. Oblation run? Saka na.. Ang bata bata mo pa.. Baka makita ka pa nina Mama at Papa sa TV.. nakikisigaw dun..”
Marielle: “Grabe ka.. Di naman.. Curious lang ako..”
“O Sige.. Mauna na ko.. Text text na lang ah..”
Mga 8:15 ako nakarating ng school. Math lang ang klase ko, kadalasan kasi pag mga ganitong panahon, wala na masyadong classes. Ang dami kasing mga activities eh.
Natapos klase ko ng mga 10 am. Naglalakad ako habang nagtetext kay Marielle na pumunta na lang sa SM North para dun na kami magkita.
Paglingon ko sa harap, sakto pababa ng hagdan si Stephen.
“Uy.. Di ba may klase ka pa?”
Stephen: “Wala.. Wala si Sir.. Pauwi ka na ba?”
“Hinde.. Papunta akong SM North..”
Stephen: “May date ka?”
“Pano mo nalaman?”
Stephen: “Owws?? Wag ka nga..”
“Hinde.. Si Marielle kasi.. Gusto manood ng lantern parade.. Kaya sa SM North muna kami mag-stay..”
Stephen: “Aah.. Sama ko..”
“Ha? Bakit?”
Stephen: “Eepal lang.. Hinde, punta rin akong SM North eh.. Pero di ako manonood ng lantern parade..”
“Sige.. Dala mo ba kotse mo?”
Stephen: “Siyempre.. Tara na..”
Nakarating kami sa SM North mga 10:30 na din. Pumunta kami ni Stephen sa may food court. Tambay lang. Maya-maya dumating na din si Marielle.
Marielle: “Hi.. Kuya Stephen..”
Stephen: “Uy..”
“San na tayo ngayon..”
Marielle: “Libot-libot lang muna siguro..”
Sabay-sabay kaming umakyat ng escalator nang.. Parang natigil yung paghinga ko.
Stephen: “Insan!!”
Marielle: “Ate Alex..”
Nilapitan nila kaming tatlo. Bat naman nandito sila.. At bakit sila magkasama ah?
“Dito rin pala kayo..”
Matt: “Ah.. Kakarating lang namin eh.. Pasyal-pasyal lang.. Punta kami lantern parade mamaya eh.. Nagpapasama ako kay Alex..”
Sus. Kailangan pa ng chaperone. Ano ba yun.
Marielle: “Talaga? Kami rin eh..”
Stephen: “Eh di.. Magsama-sama na lang tayo..”
Matt: “Ha.. Ano kasi..”
Alex: “Okay lang samin.. Di ba?”
Matt: “Uh.. Of Course..”
Stephen: “San ba kayo papunta?”
Matt: “Mag-Billiards..”
Sabay-sabay na kaming lahat. Nag-rent kami ng isang table lang. Tinitignan ko si Matt. Panay hawak sa bewang ni Alex. Nag-iinit ang dugo ko.
Matt: “Uh.. Alex.. Ganito o..”
Aba. Iba rin to ah. Kunyari pa.
Alex: “Ha? Okay lang.. Kaya ko..”
Matt: “Sure.. Sige..”
Sabay bitaw niya kay Alex. Buti nga.
Matt: “Yung porma mo.. Baka kasi.. Di yan makapasok..”
Alex: “Ha?”
Sabay tira ni Alex.
Pasok!! Galing ni Alex.
Ang yabang nitong insan ni Stephen. Kala niya kung sino. Pahiya tuloy.
Napangiti ako bigla.
Tinignan nila ako. Nagtataka.
“Ah.. Wala may naalala lang akong nakakatawa..”
Pagkatapos nun, naglunch kami sa McDo. Nag-offer na manlibre si Matt pero tinanggihan ko baka magkautang na loob pa ko sa kanya. Ewan ko ba. Okay naman siya pero parang bad trip ako sa kanya.
Pumunta kaming arcade pagkatapos.
Marielle: “Kuya.. videoke tayo o.. Sige na..”
“Ha? Yoko nga..”
Marielle: “Tayu-tayo lang naman.. Walang ibang makakarinig..”
Stephen: “Pumayag ka na..”
“Sige na nga..”
Matt: “Uhmm.. Dito na lang kami.. Laro na lang tayo..”
Alex: “Ha?”
Matt: “Kahit saglit lang.. sunod na lang tayo sa kanila.. Ayan lang naman o..”
Di na sila nagpapigil. Kami namang tatlo nandun. Si Stephen pumipili ng kanta pati si Marielle. Ako? Palingon-lingon. Kita ko silang dalawa. Nandun nag-reracing.
Marielle: “Kuya? Tara na..”
Pumasok kami dun sa sa loob. Maliit lang na kwarto. Kita mo pa rin yung arcade sa labas. Pero siyempre, di mo na rinig.
Iniabot sa akin bigla ni Stephen yung mike.
Stephen: “O.. Kaw mauna..”
“Ha? Akala ko kayong dalawa lang..”
Marielle: “Wag na K.J kuya..”
Kinuha ko yung mike tapos tumayo at lumapit ng kaunti. Hinintay kung lumabas yung title. Sana naman alam ko tong kanta.
Marielle: “Go Kuya!”
“Desperate for changing
Starving for truth
Closer where i Started
Chasing after you”
Marielle: “Ang gwapo mo.. haha..”
Napatingin ako kay Marielle. Natawa ako.
“i’m falling even more in love with you
letting go of all i’ve held onto
i’m standing here until you make me move
i’m hanging by a moment here with you
forgetting all i’m lacking
completely incomplete
i’ll take your invitation
you take all of me”
Napatingin ako sa labas. Sakto kay Alex, napako yung tingin ko.
Pinikit ko yung mga mata ko.
“now.. i’m falling even more in love with you!!!
letting go of all i’ve held onto
i’m standing here until you make me move
i’m hanging by a moment here with you
i’m living for the only thing i know
i’m running and not quite sure where to go
i don’t know what i’m diving into
just hanging by a moment here with you
there’s nothing else to lose
nothing else to find
there’s nothing in the world
that could change my mind
there is nothing else
there is nothing else…”
Bumulong si Marielle kay Stephen.
Marielle: “Grabe naman kumanta si Kuya.. Todo.. With feelings pa.. Di naman yan ganyan dati ah..”
Habang nasa labas..
Alex: “Pasok na tayo dun..”
Matt: “Sige… mauna ka na.. C.R lang ako..”
Di ko napansin na bumukas yung pinto at pumasok na pala si Alex.
“Desperate for changing
Starving for truth
Closer to where i Started
Chasing after you
i’m falling even more in love with you
letting go of all i’ve held onto
i’m standing here until you make me move
i’m hanging by a moment here with you
i’m living for the only thing i know
i’m running and not quite sure where to go
i don’t know what i’m diving into
just hanging by a moment here with you”
*CLAP*
Paglingon ko nandun pala si Alex. Nakatayo.
Alex: “Naks naman.. “
Napangiti ako.
Alex: “Uy.. Tapusin mo..”
“just hanging by a moment
hanging by a moment..
hanging by a moment…
Tumingin ako kay Alex. Ngumiti ako.
Ngumiti siya. Tinignan ko siya sa mga mata.
hanging by a moment here with you..” 
##############################
Chapter 86:
Nagulat na lang ako biglang bumkas yung pinto. Si Matt pala.
Matt: “Aba.. Okay ah.. Sino na bang kakanta..”
Stephen: “Kakatapos lang ni torps.. este.. toph..”
Alex: “Torps?”
“Uh.. A-ano…:
Stephen: “Short for..”
“Tropa.. Di ba??”
Tinignan ko si Stephen. To talaga.
Stephen: “Ah.. oo.. Tropa..”
Inabot ko kay Stephen yung mike tapos umupo ako sa tabi. Si Matt naman siyempre umupo sa tabi ni Alex.
Stephen: “O.. Matt.. Kaw gusto mo?”
Matt: “Uh.. Wala akong boses eh..”
Marielle: “Okay lang yun.. Sige na.. Kantahan mo si Ate Alex..”
Nagkatinginan naman silang dalawa.
Matt: “Sige na nga..”
Sabay kuha niya yung mike kay Alex. Di na siya tumayo. Nakaupo lang dun sa tabi ni Alex.
Hinintay namin yung next song. Di ako alam kung ano yung mga pinagpipili na kanta ni Stephen saka Marielle eh.
Pagkakita ko dun sa title, parang natigil sandali yung paghinga ko.
Matt: “Bakit ngayon ka lang
Bakit ngayon kung kailan ang aking puso’y mayron nang laman
Sana’y nalaman ko na darating ka sa buhay ko
‘Di sana’y naghintay ako..”
Napatingin ako kay Alex. Kinakantahan siya ni Matt tapos nakatitig talaga si Matt sa kanya.
Inalis ko yung tingin ko sa kanila. Dun na lang ako tumingin sa tv screen. Huminga ako ng malalim. Naalala ko bigla nung.. nung kumanta kami ng sabay.. Napangiti na lang ako..
Tinignan ko ulet si Alex.
Ano ba tong nararamdaman ko? Di pwede to. Magkaibigan kami tapos ganito.. Saka sigurado naman di magkakagusto yun sakin eh.. Parang.. parang si Larisse..
Mukha namang may nararamdaman na siya para kay Matt. Eepal lang ako. Ayoko ding masira yung pagkakaibigan namin.
Isang parte sa kin, gusto.. sabihin sa kanya yung nararamdaman ko. Kahit masabi ko man lang..
Pero sa isang banda.. Huwag na lang kaya..
Haay.. Ewan ko ba.
Marielle: “Huy!! Kuya JC!!”
“Ha? O.. Ba-bakit..”
Pagtingin ko, nakatayo na silang lahat. Ako na lang yung nakaupo dun.
Marielle: “4:30 na kasi no.. Alis na tayo..”
“Sige..”
Stephen: “Mauna na ako sa inyo ah.. Oi.. insan, pakisabay na silang dalawa ah..”
Matt: “Oo ba..”
Nauna nang umalis si Stephen, di na yung manonood ng lantern parade. Kaming apat, sabay-sabay na bumalik sa school. Medyo madami na ring tao nung mga 5:15 na dating namin. Na-traffic nga kami eh.
Mga 6:00 nagsimula yung parade. Ang gaganda saka ang lalaki nung mga lanterns dun.
Marielle: “Ang cute nun o.. Grabe.. Ayun.. Ayun pa..”
Enjoy na enjoy si utol. First time niya kasi makapanood nun eh. Ako, pangalawang beses naman na. Yung unang beses nung first year college ako.
Alex: “Dun na tayo sa may bandang Quezon Hall, maghintay.. Dun na rin naman yung end nung parada..”
Naglakad kami papunta dun. Ang daming tao! Pero okay lang naman kahit nakatayo. Pero kami pumwesto kami sa bandang gilid. Tapos umupo dun sa damuhan.
Maya-maya nagsidatingan na yung mga naglalakihang lanterns pati mga mascot. Nagkaroon na rin ng mga awarding at kung anu-ano pang pakulo.
Marielle: “Teka.. Uy.. Classmate ko yun o.. Ayun.. Kuya.. puntahan ko lang saglit ah..”
Bago pa ako makasagot, tumayo na siya tapos pinuntahan na yung classmate niya.
Alex: “Enjoy na enjoy yung kapatid mo ah..”
“Oo nga eh..”
*RIIINGGGG*
Kinapa ko yung phone ko sa pantalon. Akala ko sakin. Nagulat na lang ako biglang tumayo si Matt.
Matt: “Hello? Uh.. Ano? Wait.. Di kita marinig..”
Tumingin siya sa aming dalawa.
Matt: “Uh.. Dun lang ako ah.. Ang lakas nung sounds dito.. Balik ako agad..”
Pagkaalis ni Matt.
“Mukhang gumagawa na talaga ng the moves yun ah.. Umuubra ba naman..”
Ngumiti lang si Alex.
Maya-maya may naglalakad dun na nagbebenta nung Neon na bracelet.
“Psst.. Manong.. Pabili nga dalawa..”
Iniabot sa akin ni manong yung dalawa tapos umalis na siya.
Alex: “Wow.. Binilhan mo si Marielle? Cool naman..”
Ngumiti ako.
“Gusto mo? Sayo na lang..”
Alex: “Ha? Bakit.. Sayo yan eh..”
“Okay lang.. Eto o.. Teka..”
Pinitik pitik ko muna yun kasi para lumabas yung mag-glow siya.
“Ayan.. Umiilaw na..”
Alex: “Astig.. Fave ko yan.. Blue..”
“Teka.. suot natin..”
Alex: “Ako na..”
“Hinde.. Ako na..”
Kinuha ko yung kamay niya tapos sinuot ko sa kanya.
“Ayan..”
Alex: “Thanks..”
Maya-maya dumating na si Marielle. Nakita ko may suot-suot siya.
“O.. Ano ba yan.. Sayang binilhan pa naman kita..”
Marielle: “Ha? Ay sorry.. Bumili kami nung classmate ko eh..”
“Pano to..”
Marielle: “Eh di sayo na lang.. Teka, kuya balik lang ako ulet ah..”
“Ha?!”
Umalis na naman siya. Pagpalit ba ako sa kaklase. Tsk. Tsk.
“Sayang naman to..”
Alex: “Akin na..”
“Bakit?”
Tapos kinuha niya. Pinitik-pitik din niya hanggang mag-glow rin. Nagulat ako, kinuha niya yung kamay ko tapos sinuot din niya sa akin.
Alex: “O di ba.. blue din sayo..”
Maya-maya nagulat ako nung may narinig akong putok. Pagtingin namin sa taas, ang ganda nung fireworks display.
Parehas kami ni Alex, nakatingala lang sa taas.
Alex: “Uuuuy!! Ang galing nun o..”
Sabay turo niya sa taas.
Napatingin ako sa kanya saglit.
“Uh.. A-Alex..”
Nakatingin pa rin siya sa taas.
Alex: “Bakit?”
“Kasi..”
Matt: “Sorry.. Yung kapatid ko kasi.. napatawag.. May na-miss ba ko?”
######################################
Chapter 87:
“Uh.. Wala.. Wala naman..”
Alex: “Tignan mo yung fireworks o..”
Tumingin din sa taas si Matt.
Matt: “Okay ah..”
Maya-maya dumating na rin si Marielle.
Marielle: “Tumawag na pala si Mama.. Uwi na raw tayo..”
“Ganun ba? Uy.. Mauna na kami sa inyo ah..”
Matt: “Ah.. Sige, pare.. ingat kayo sa daan.. medyo madilim na..”
Alex: “Salamat sa bracelet ah..”
Ngumiti ako.
Inakbayan ko si Marielle.
“Tara?”
Alex: “Ano nga pala sasabihin mo kanina..”
Huminga ako ng malalim. Napatingin ako kay Matt.
“Uh.. Wala.. Wala yun.. Sige.. Alis na kami..”
Naglakad kami palayo ni Marielle. Nilingon ko silang dalawa.
Bagay sila.
December 24
Nakaupo ako sa baba sa may tabi ng kama ko. Nakasandal lang ako. These past few days. Ganito lang ako. Parang wala sa sarili. Ewan ko ba.
Binuksan ko yung drawer sa tabi ng kama ko. Nandun yung picture namin nung kasal. Sinarado ko. Napayuko ako.
“Ano ba naman to..”
Narinig ko na lang may kumatok sa pintuan.
“Pasok..”
Si Marielle pala. Tinabihan niya ako sa pag-upo.
Marielle: “Okay ka lang ba?”
“Bakit mo naitanong?”
Marielle: “Nakakapanibago ka lang kasi..”
“Ha?”
Marielle: “Ano kasi.. Nung lantern parade.. Uh.. Napansin ko lang.. Yung mga tingin mo kay Ate Alex.. May.. May gusto ka ba sa kanya..”
Natahimik lang ako.
Ngumiti si Marielle.
Marielle: “Uuuuuy.. Kuya.. Alam ba niya?”
“Hinde.. May Matt naman na yun..”
Marielle: “Di pa naman niya sinasagot ah..”
Tumingin siya sa relo niya.
Marielle: “Puntahan mo kaya.. 5:00 pa lang naman.. makakabalik ka pa in time for dinner..”
“Ano ka ba? Di kaya magulat yun? Pupunta ako sa kanya tapos sasabihin ko sa kanya na gusto ko siya..”
Marielle: “Kaysa naman magmukmok ka diyan ah..”
Natahimik lang ako.
Nagulat ako nung tumayo siya tapos kinuha niya yung gitara ni Kuya Lester sa tabi.
Marielle: “Pero bago ang lahat.. tugtog ka muna..”
“Anong tutugtugin ko?”
Marielle: “Uhmm.. Yung tinugtog mo nung isang araw.. Ganda nun..”
“Ah yun ba.. Sige.. Sabi mo eh..”
Sinumulan ko yung pag-strum sa gitara.
“Di ko man maamin
Ikaw ay mahalaga sa akin
Di ko man maisip
Sa pagtulog ikaw ang panaginip
Malabo man ang aking pag-iisip
Sana”y pakinggan mo ang sigaw nitong damdamin
Ako”y alipin mo kahit hindi batid
Aaminin ko minsan ako”y manhid
Sana at iyong nariring
Sayong yakap ako”y nasasabik…
Ayoko sa iba
Sayoako ay hindi magsasawa
Ano man ang iyong sabihin
Umasa ka ito ay diringgin
Madalas man na parang aso”t pusa
Giliw sa piling mo ako ay masaya
Ako”y alipin mo kahit hindi batid
Aaminin ko minsan ako”y manhid
Sana at iyong nariring
Sayong yakap ako”y nasasabik…
Pilit mang abutin ang mga tala
Basta”t sa akin wag kang mawawala
Ako”y alipin mo kahit hindi batid
Aaminin ko minsan ako”y manhid
Sana ay iyong naririnig
Sayong yakap ako”y nasasabik
Pagkat ikaw lang ang nais makatabi
Malamig man o mainit ang gabi
Nais ko sana iparating na ikaw lamang
Ang siyang aking iibigin..”
Tumayo ako at nilagay yung gitara sa kama ko.
Huminga ako ng malalim.
“O sige.. puntahan ko siya..”
Marielle: “Yan ang kuya ako..”
“Ligo lang ako..”
Lumabas ako at naligo. Pagbalik ko sa kwarto, binuksan ko yung closet ko. Hanap-hanap kung anong isusuot.
Marielle: “Ehemm.. Need help?”
Ngumiti ako.
“Sige na nga..”
Maya-maya may kinuha si Marielle na polo shirt. Sinuot ko naman.
Marielle: “Ayan.. Gwapo mo.. Sige.. Good Luck..”
Lumabas ako at nagpaalam kay Mama na hihiramin ko lang saglit yung kotse.
Papunta kina Alex, napadaan ako sa flower shop.
Bumili ako ng isang bouquet ng flowers.
Nilapag ko dun sa passenger seat. Napangiti ako. Sana magustuhan niya.
Mga quarter to six na ako nakarating kina Alex. Malapit na ako sa bahay nila.. nung.. nakita ko nasa labas siya..
Kasama si Matt?
Nakita ko may sinusuot siya na necklace kay Alex. Tapos may dala-dalang tatlong bouquet ng flowers.
Napatingin ako dun sa binili kong mga bulaklak.
Natawa ako.
Ano namang bubuga ko dun?
Napatingin ulit ako sa kanilang dalawa.
Niyakap ni Matt si Alex.
Yun na.
Pakiramdam ko, sinaksak yung puso ko.
Ang sakit.
Inistart ko yung kotse tapos nagmaneho na ako ng direcho pauwi.
Pagbukas ko ng pinto sa bahay, iniabot ko yung flowers kay Mama.
“Merry Christmas.. Mama..”
Tapos niyakap ko si Mama ng mahigpit.
“Akyat lang ako..”
Humiga ako sa kama.
Maya maya narinig kong bumukas yung pinto ko sa kwarto.
Marielle: “Kuya.. A-ano nangyari..”
Napatingin ako sa kanya.
“Halika nga dito..”
Umupo siya sa may kama ko.
Marielle: “Nasabi mo ba sa kanya?”
Umiling ako.
Marielle: “Bakit?”
“Mukhang masaya naman na siya eh..”
Marielle: “Ikaw, masaya ka ba..”
Ngumiti ako.
Ginulo ko yung buhok ni Marielle.
“Oo naman..
Kapag masaya yung mga taong mahal ko.. masaya na rin ako..”
Chapter 88:
January 1
Alas-dos na ng hapon. Medyo late na nga ako nagising siyempre hinintay pa namin yung pagpatak ng alas-dose kaninang madaling araw.
Huminga ako ng malalim. Pumunta akong C.R at naghilamos. Humarap akong salamin.
“Bagong taon.. Bagong buhay..”
Naligo ako at nagpalit ng damit. Direcho baba para mag late lunch. Tapos nanood lang kami ni Marielle ng DVD.
Nung mga 6:30, nagulat ako nung lumabas ng kwarto si Papa. Bihis na bihis.
“Pa.. may lakad kayo?”
Papa: “Ah.. oo pero saglit lang.. hatid mo na nga lang ako saglit.. Mga isang oras lang naman ako dun sa pupuntahan ko eh..”
“Ah.. O sige.. magbibihis lang ako saglit..”
Umakyat ako ng kwarto tapos nagpalit ng suot. Hinagis sa akin ni Papa yung susi ng kotse.
“San po ba tayo?”
Papa: “Ituro ko na lang sayo yung daan..”
Inistart ko naman yung kotse.
Diredirecho lang ako tapos pinakanan niya ako dun sa isang kanto tapos kanan uli banda sa may McDo. Ewan ko ba pero parang pamilyar yung daan eh.
Tapos nung papasok na kami dun sa may village. Nagulat ako nung nakita ko yung pangalan.
Oh no. Eto.. Eto yung village nina Alex ah.
“Si-sino po ba pupuntahan natin dito ah?”
Papa: “Yung kliyente ko.. May ikokonsulta sa akin..”
“Ganun ba kaimportante yang kliyente na yan at new year na new year.. kailangan niyo pumunta dun?”
Papa: “Yaan mo na.. Saglit lang naman.. O Yan na ata.. Yung red yung bubong..”
Pagkakita ko dun sa bahay.. Nakahinga naman ako ng maluwag.. Unang sumagi sa isip ko baka kina Alex ang bagksak namin..
Papa: “O.. Balikan mo na lang ako dito ng mga 8:30 o siguro tawagan na lang kita kasi saglit lang naman to eh..”
“Ganun ba? Sige.. mag-ikot ikot na lang ako dito..”
Bwinelta ko yung kotse tapos nagdrive na lang ako dun sa may village. Hanggang sa napadaan ako dun sa street nina Alex..
Parang tumigil yung paghinga ko nung nakita ko siya sa may terrace nila..
Pinark ko saglit dun sa may malapit sa puno para hindi medyo tago.
Nakita ko nakaupo siya dun sa may terrace.. Tapos parang may sinusulat ata..
In-on ko yung radyo.
I’ll get just fine
So if you’re goin’ then darlin’ goodbye, goodbye
Don’t call me in the middle of the night no more
Don’t expect me to be there
Don’t think that it will be the way it was before
I’m not over you yet
And i don’t think i care
And i don’t want to be your friend
I’ll forget we ever met
I’ll forget i ever let
Ever let you into this heart of mine baby
You just gotta let me be
You gotta keep away from me
’cause all i want to be is just free of you baby
Don’t you come around
And say you still care about me
Go now, go now
Iniba ko nga yung istasyon. Ayoko magsenti, new year na new year.
Akala ko love song na naman paglipat ko. Natawa naman ako paglipat ko..
What you gon’ do with all that junk?
All that junk inside that trunk?
I’ma get, get, get, get, you drunk,
Get you love drunk off my hump.
What u gon’ do with all that ass?
All that ass inside them jeans?
I’m a make, make, make, make you scream
Make u scream, make you scream.
Cos of my hump, my hump, my hump, my hump.
My hump, my hump, my hump, my lovely lady lumps. (check it out)
I met a girl down at the disco.
She said hey, hey, hey yea let’s go.
I could be your baby, you can be my honey
Lets spend time not money.
I mix your milk wit my cocoa puff,
Milky, milky cocoa,
Mix your milk with my cocoa puff, milky, milky riiiiiiight.
Nandun lang ako nakatambay, sinisilip siya. Siguro, tama lang to. Hanggang ganito na lang.
Medyo dumidilim na nga eh. Pagtingin ko sa relo ko, quarter to eight na halos. Napatingin ako kay Alex, nakatingala siya sa taas. Sumilip din ako at tumingala sa sky. Madami-dami ng stars. Nagulat ako.
Biglang may..
shooting star.
Pagtingin ko kay Alex, pumikit siya.
“Siguro.. nagwish siya..”
Pinikit ko din yung mga mata ko. Winish ko?
Matupad kung anuman yung winish niya.
Maya-maya nagvibrate yung phone ko. Nagtext si Papa. Puntahan ko na daw siya.
Inistart ko uli yung kotse.
Huminga ako ng malalim.
Tumingin ako kay Alex sa may terrace.
Bumulong ako.
“Happy New year.. Alex..”
#####################################
Chapter 89
Haay. Pasukan na naman. Lunch time, nasa canteen ako mag-isa kumakain ng barbeque with rice.
Nagulat na lang ako nung may tumapik sa akin bigla.
“Huy!!”
Paglingon ko.. si Stephen pala. Umupo siya sa may tapat ko.
Stephen: “Happy New Year!”
Ngumiti lang ako.
Stephen: “Oi.. Alam mo na ba yung nangyari kina Alex saka Matt?”
Parang ayaw ko na marinig yung sasabihin ni Stephen. Pakiramdam ko sa kaloob-looban ko.
Sila na.
“Oo.. Alam ko na..”
Stephen: “Aah.. Kala ko kasi hindi pa.. Pano mo nalaman?”
“Basta..”
Stephen: “So may balak ka pang pormahan si Alex?”
Tinignan ko si Stephen.
“Malamang.. wala na.. Ano ka ba?”
Stephen: “Bakit naman? Teka.. Wag mong sabihing natakot ka?”
“Ano?! Sila na.. bat pa ako eextra?”
Tinignan ako ni Stephen.
Stephen: “Ha? Sila na? Pano nangyari yun?”
“Te-teka.. Di ata tayo nagkakaintindihan..”
Stephen: “Mukha nga.. Yung sinasabi ko.. Yung sinapak ni Alex si Matt.. Sapul nga sa kaliwang mata niya eh..”
Natigilan akong kumain pagkasabi ni Stephen. Sinapak?
“Ano?! Bakit?”
Stephen: “Nung New Year kasi, may reunion kami.. Tapos nakita ko nga na may Black eye siya.. Dinahilan pa nga niya na napaaway siya pero umamin din naman sa akin pagkatapos.. Nahuli raw siya ni Alex eh.. Yun lang nasabi niya.. Pano mo naman nasabi na sila na?”
“Ha? Ano kasi.. Talaga? Sinapak ni Alex si Matt?”
Stephen: “Tindi pala nun.. Tsk.. Tsk..”
Ibig sabihin hindi sila o magiging sila.
Kinabukasan. May P.E na naman kami. Pagdating ko sa power-up, nakita ko si Alex, nakaupo sa may tabi.
Tinabihan ko siya.
“Hi..”
Alex: “Hello..”
“Happy New Year..”
Alex: “Happy New Year..”
“Uhmm.. May nabanggit pala sa akin si Stephen..”
Alex: “Sabi ko na nga ba.. makakarating sayo..”
“Ano ba nangyari? Nahuli mo raw siya? Bat anong nahuli?”
Alex: “Ang kapal ng mukha niya pumunta sa bahay nung isang araw.. May dala-dala pang mga bulaklak tapos may binigay pang necklace.. Eh huling-huli ko siya nung isang araw.. May kahalikang babae..”
“Baka naman friendly kiss lang yun..”
Tignan ako ni Alex.
Alex: “Alam ko kung ano ang friendly kiss okay? At hindi yung friendly kiss..”
“Uh.. Sorry.. Wag ka magalit.. So basted na siya..”
Alex: “Di lang yun.. Sinapak ko nga eh..”
“Oo nga daw.. Yaan mo pag nakita ko yun.. Papantayin ko yung mata niya.. Yung kanan naman ang titirahin ko..
Tumawa si Alex.
Alex: “Wag na.. Ano na magiging istura niya nun.. Haay.. Bihira na talaga ang matinong lalaki sa mundo..”
“Uy.. Grabe.. Marami pa diyan.. Ikaw? Okay ka lang naman ba?”
Alex: “Okay lang naman.. At least nalaman ko nang maaga-aga di ba? Saka balang araw.. mahahanap ko din ang taong para sakin..”
“Naks.. Seryoso..”
Alex: “Sira.. Totoo naman di ba..”
“Uh.. Oo naman.. Naniwala ako na darating ang tamang panahon.. Makikita rin natin yung taman tao.. para sa atin.. Hindi naman yung hinahanap eh.. Kusang darating..”
Alex: “Talaga naman.. Ang drama..”
Ngumiti ako.
Alex: “Haay.. Sooner or later.. Makikita rin natin yung ‘the one’. May ganun talaga eh no? Hehe.”
Maya-maya tinawag na yung pangalan ni Alex para mag-wallclimb.
Alex: “Sige..”
Pinanood ko siyang magsuot ng gear.
Bumulong ako.
Huminga ako ng malalim.
“Sa totoo lang.. mukhang nakita ko na nga eh..”
###########################################
Chapter 90:
Pinanood ko si Alex na mag-wallclimb. Napangiti ako. Hindi pala sila ni Matt. At mukha namang wala ng pag-asa yung g*gong yun.
Ang kapal ng mukha niyang mag-two time at kay Alex pa. Sapak tuloy ang inabot niya. Buti nga.
Nag-vibrate yung phone ko. Pagtingin ko may nagtext. Si Mama pala. Quote. Ang sweet talaga ni Mama. Paglagay ko nung phone ko sa bulsa ko, napatingin ako dun sa mga gamit ni Alex. Nakita ko yun filecase niya. Dahil clear yung filecase, kita yung nasa loob.
Pagtingin ko. Andun yun schedule niya.
Hmm.. Makopya nga.
Kumuha ako ng papel sa bag ko tapos palingon-lingon muna ko para hindi halata saka ko kinopya yung schedule niya.
Tamang-tama pala halos nasa iisang building lang yung mga subjects namin.
Maya-maya, tinawag naman na yung pangalan ko para mag-wallclimb. Tinago ko sa backpack ko yung papel.
Kinabukasan. Thursday.
Hanggang 4 pm lang ang class ko. Pagtingin ko sa sched ni Alex, sa kabilang wing yung klase niya.
Umikot ako at dumaan sa may wing niya. Tamang-tama palabas na siya ng klase.
“Alex!”
Lumingon siya.
Alex: “Uy..”
Ngumiti ako at sinabayan siya sa paglalakad.
“Dito rin pala banda class mo?” 
Alex: “Ikaw din pala..”
“Pauwi ka na ba?”
Alex: “Oo.. Bakit?”
“Sabay na tayo..”
Alex: “Ha?”
“I mean di ba.. sasakay ka rin ng Pantranco tapos MRT?”
Alex: “Oo..”
“Kaya ayun..”
Alex: “Uh.. Sige..”
“Uhmm.. Akin na yung mga gamit mo..”
May dala siyang filecase nun saka dalawang libro. Kinuha ko sa kanya. Nakatingin lang sa akin si Alex.
Alex: “Okay ka lang?”
“Bakit.. gentleman naman to no..”
Sabay kaming bumaba at lumabas ng Palma Hall. Nung pababa na kami ng stairs.
“Uhmm.. Alex.. Gusto mo ng isaw?”
Tumawa si Alex.
Alex: “Bakit manlilibre ka..”
Ngumiti ako.
“Gusto mo?”
Nagseryoso si Alex.
Alex: “Di nga? Eh di ba.. Di ka naman mahilig dun..”
“Oo no.. Tara..”
Alex: “Sige.. Kaw bahala..”
Pumunta kami dun sa may isawan.
“Manong.. Isang dosenang isaw nga po..”
Alex: “Ang dami naman nun.. Anong tingin mo sa akin ha?”
“Kunyari ka pa.. Kulang pa yun sayo..”
Mahina niya akong sinuntok sa braso.
Alex: “Ang kapal!..”
Maya-maya inabot sa akin ni Manong yung isang supot ng isaw.
Humarap ako sa kanya.
“One dozen ISAW for you..”
Tumawa si Alex. Kinuha niya yung supot. Binigay din sa akin ni Manong yung isang baso ng sawsawan.
Alex: “Share na lang tayo..”
“Susubuan mo ko?”
Alex: “Bahala ka nga diyan..”
“Joke lang..”
MGa ilang minuto dun namin pinagsaluhan yung isang dosenang isaw. DI ko na nabilang kung ilang yung nakain ko eh.
Sumakay na kami ng jeep papuntang MRT. Tapos bumili ng ticket.
Ang daming tao sa loob.
“Tara, hanap tayo ng mauupuan mo..”
Iniabot ko yung kamay ko. Tapos hinawakan naman niya. Habang nasa likod ko siya.. Napapangiti ako.. Ang lambot ng kamay niya ah. 
Maya-maya may nakita kaming umalis na lalaki tapos dun umupo si Alex.
Alex: “Pano ka..”
“Okay lang.. Tayo na lang ako.. Pero kung gusto mo.. kalungin mo ko.. Okay lang..”
Alex: “Asa ka pa..”
Maya-maya nakarating na kami sa may Ayala. Bumaba kami ni Alex.
“So.. San ka na?”
Alex: “Sakay na lang ako ng taxi..”
“Teka.. Hintayin ko muna na makasakay ka..”
Alex: “Asus.. Oo na.. Gentleman ka na..”
Ngumiti ako.
Maya-maya may dumating na taxi.
“Sige.. Ingat ka ha..”
Alex: “Salamat..”
Yung sumunod na Miyerkules. P.E na naman. Ako naman excited. Kasi balak ko sana.. Pagkatapos ng P.E, ihahatid ko na siya sa bahay mismo.
Tapos.
Sasabihin ko na.
Maaga ako dumating sa class.. Kaso dumating na yung prof.
Wala pa ring Alex.
Nasan na kaya yun?
Bigla na lang ako kinabahan bigla.
Bihira naman nag-aabsent yun eh.
Pagkatapos ng P.E, di na ako nagdalawang-isip puntahan siya sa bahay nila.
Nag-doorbell ako.
Maya-maya pinagbuksan ako nun maid.
“Si Alex po?”
Maid: “Nasa loob po.. SIno po sila?”
“Classmate niya po..”
Pinagbuksan ako nung maid tapos pinaupo sa may living room.
Nakatayo ako nun at tinitignan yung mga paintings dun. Astig.
Alex: “Anong ginagawa mo dito?”
Napalingon ako.
“Uh.. Kasi.. Bat di ka pumasok kanina?”
Alex: “Medyo may sinat kasi ako eh.. Mahirap na.. Baka maulet yung dati.. Upo ka..”
Tinawag ni Alex yung maid para kumuha raw ng juice.
Alex: “Aba naman. Nagpunta ka pa talaga dito ah..”
“May.. May sasabihin kasi sana ako eh..”
Alex: “Ganun ba kaimportante yun?”
“Oo..”
Lumapit ako ng mas malapit kay Alex.
Huminga ako ng malalim.
“Alam ko mabibigla ka.. Pero hear me out first..”
Nagsalubong yung kilay ni Alex.
Alex: “Ha? Ano ba yun?”
“Alex.. I..
Tinignan ko siya sa mga mata.
*DING DONG*
`Sugar Coated Delusions` 
Leave a comment